Abrir o menú principal

Desgalipedia β

Axuda:Introdución ás políticas

Políticas e normas   Contidos   Conduta   Resumo    
Atallo:
INTRO:POLÍTICAS
Nuvola apps bookcase pastel.png

O principal obxectivo da Desgalipedia é o de proporcionar unha enciclopedia libre de contido de boa calidade. Non obstante, e malia que a Desgalipedia non ten demasiadas regras estritas, baséase en cinco principios fundamentais. A comunidade da Desgalipedia é a encargada de desenvolver as políticas e mais as normas que a rexen para clarificar estes alicerces e describir o mellor xeito de aplicalos, resolver conflitos e acadar o fin último que é crear unha enciclopedia veraz.

O prefixo "Desgalipedia:" axudará a recoñecer unha política oficial, ou non.

En esencia, as políticas expresan os principios fundamentais da Desgalipedia en máis detalle, mentres que as normas aconsellan sobre a aplicación destas políticas para proporcionar unha maior consistencia en todos os artigos. As políticas e normas formais pódense identificar polo aviso que aparece ao comezo da súa páxina e o prefixo "Desgalipedia:" antes do nome da páxina.

Aínda que existen moitas políticas, non é posible que cadaquén as saiba todas! Por sorte, hai un pequeno feixe no que se basean as demais. As vindeiras páxinas describen as máis significativas, é dicir, as que representan o espírito xeral das regras da Desgalipedia. É unha boa idea seguilas, xa que máis adiante as conversas e mais a edición serán máis sinxelas e produtivas.